Jaunaren Bateoa II

II. BEZPERAK

Agurra

V/. Zatozkit lagun, ene Jainko.
R/. Jauna, zatoz laster ni laguntzera.

V/.  Aintza Aitari eta Semeari,
        eta Espiritu Santuari.
        Lehen lez, orain eta beti,
        eta amaibako egunetan. Amen. Aleluia.

Goratzarrea 

GOIZ-ARGIA 

Goiz-argia,
hilik zeudenen / eguzkia:
itsuengana / etorria,
goza dezaten / argi berri /
–pizgarria.
Zatoz, / Jesus Jauna,
diren guztien / argia.

Heldu da; hona
Jaunaren eguna.
Ongi etorri,
Jaunak igorri
Salbatzailleari!

Jainko-Bildots,
berriz herrira / gidaria;
odola duzu, / isuria,
ardi galduei / emateko /
–Zuk bizia.
Zatoz, / Jesus Jauna,
ur bizi duen / artzaina.

Jesu Kristo,
Aitak Zuregan / du gozoa;
uretan sartuz / eta hilez,
eman diozu / gizonari /
–Bataioa.
Zatoz, / Jesus Jauna,
erreinurako / bidea.

Harkaitz berri,
ibai bizien, / iturria:
or zaude bihotz-/ irekia,
ase dadien / fededunen /
–egarria.
Zatoz, / Jesus Jauna,
sekulako ur / bizia.

Suzko laino,
gauez argitzen / gaituzuna:
Kalbarioko / minen barna,
agertu duzu / gu nolaz joan /
–zeruraino.
Zatoz, / Jesus Jauna,
Jainko Aitaren / berdina.

Ezkon-berri,
gurutz-eztaien / hain egarri:
ura diguzu / ardo egin,
Jainko-semeen / sinistea /
–piztu dadin.
Zatoz, / Jesus Jauna,
zure lurraren / pizgarri.

Jainko-Seme,
Espirituak / argitua:
Zure mintzoa / da zabaldu,
eta piztu du / munduz-mundu /
goiko sua.
Zatoz, / Jesus Jauna,
goiko aintzaren / betea.

 

Salmoak

1 Ant. Zeruko ahots bat, Aitaren ahotsa entzun zan: Hauxe da nire Semea, nire Maitea, Honexengan dot nire atsegina. Entzun eiozue.

109 Salmoa

Hona, Jaunak esana nire Jaunari
      «Jesarri zakidaz eskoian,
      zure etsaiak oin-aulki
      jartzen deutsudazan bitartean».

Siondik zabalduko dau Jaunak
      zure aginte makilaren indarra:
      «Izan zaitez nagusi
      zure etsaien artean».

Handiki zu jaiotegunetik
      santu dirdaian,
      ihintza lez sortuazoko zaitut
      artizarraren aurrean.
      Jaunak zin egin dau
      eta ez jako damutuko:
      «Melkisedeken sailean
      abade zara zu behin betiko».

Nire Jauna zure eskoian:
      zapalduko ditu erregeak
      hasarre-egunean.

Bidean doala,
      errekan edango dau ura,
      horregatik jasoko dau burua.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen.

Ant. Zeruko ahots bat, Aitaren ahotsa entzun zan: Hauxe da nire Semea, nire Maitea, Honexengan dot nire atsegina. Entzun eiozue.

 

2 Ant.  Jordan-ibaian zapaldu eban Salbatzaileak eren-sugearen burua, eta haren menpetik guztiok atera ginduzan.

111 Salmoa

Dohatsu, Jaunaren bildur dan gizona,
      Haren aginduak oso maite dituana.
      Ahaltsu izango da lurrean haren hazia,
      zintzoen ondorengoa onetsia.

Haren etxean onak eta ondasunak,
      beti iraungo dau haren zabaltasunak.
      Zintzoentzat ilunpetan argia lez sortzen da:
      onbera da, errukitsua ta zuzena.

Zorionekoa, errukitu eta emon
      egiten dauan gizona,
      bere gauzak
      zuzen atontzen dituana.
      Ez da koloka ibiliko behin ere,
      haretaz gogoratzeak iraungo dau beti ere.

Barri txarrak ez dau bildurtzen,
      bizkor dau bihotza
      Jaunagan itxaroten.
      Sendo dauka bihotza, bildurrik barik,
      bere etsaiak lotsaz ikusi arte.

Zabaltzen deutse eta emoten behartsuei,
      beti irautekoa da
      haren esku-zabala,
      ospez jagiko da haren ahalmena.

Hau ikusiz gaiztoa sumindu egingo da,
      haginen karraskaz agortuko,
      gaiztoen guraria ez da jazoko.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen.

Ant. Jordan-ibaian zapaldu eban Salbatzaileak eren-sugearen burua, eta haren menpetik guztiok atera ginduzan.

 
3 Ant. Misterio handi bat agertzen jaku gaur: gure pekatuak garbitzen ditu Jordanen guztion egileak.

           Kantika:   Apk 15, 3-4

Jauna, Jainko ahalguztiduna,
         Handiak eta harrigarriak dira
      Zuk eginak!
      Atzerrien errege,
      zuzenak eta egiazkoak
      zure bideak!

Nor ez da izango zure bildur, Jauna?
      Nork ez dau goretsiko zure izena?
      Zeu baino ez zara-ta santua!
      Atzerriak etorri eta zure aurrean
      ahuspeztuko dira,
      zure erabagiak zuzenak
      agertu dira-ta.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen.

Ant. Misterio handi bat agertzen jaku gaur: gure pekatuak garbitzen ditu Jordanen guztion egileak. 

 

Jainkoaren hitza

Ap Eg 10, 37-38

      Badakizue zer jazo zan, Galileatik hasi eta Judea osoan, Joanek irakatsitako bateo-ondoren: Nazareteko Jesusena, hain zuzen, Jainkoak Espiritu Santuaren indarrez gantzutua, eta on egiten eta deabruak hartutako guztiak osatzen igaro zana: Jainkoa Beragaz zan-eta.

 

Galderantzuna 

V/. Hauxe da * urez eta odolez etorri zana.
R/. Hauxe da * urez eta odolez etorri zana. 

V/. Jesu Kristo gure Jauna.
R/. Urez eta odolez etorri zana. 

V/. Aintza Aitari eta Semeari eta Espiritu Santuari.
R/. Hauxe da * urez eta odolez etorri zana.
 

Magn. ant. Gu maite izan gaituan Jesu Kristori eta bere odolaz, gure pekatuetatik garbitu gaituanari, errege-leinu eta Jainko bere Aitaren abade egin gaituanari: aintza eta indarra gizaldi eta gizaldietan.

Lk 1, 46-55

Handiesten dau nire arimak Jauna,
   pozaren pozez daukat nire barrua;
   Jainkoa da-ta nire salbamena,
   ikusi dau-ta mirabe honen ezereztasuna.

Dohatsu deituko nabe gaurtik gizaldi guztiek,
   handiak egin deustaz-eta Ahalguztidunak:
   Santua da Haren izena,
   eta Haren errukia, gizaldiz-gizaldi †
   bildur deutsoenengana.

Bere besoaren indarra erabili dau,
   buru harroak triskatu dauz;
   bota dauz euren aulkitik handikiak,
   eta gora jaso dauz ezerezak;
   ondasunez bete dauz gosez egozanak
   eta esku hutsik bialdu asko eukenak.

 Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant. Gu maite izan gaituan Jesu Kristori eta bere odolaz, gure pekatuetatik garbitu gaituanari, errege-leinu eta Jainko bere Aitaren abade egin gaituanari: aintza eta indarra gizaldi eta gizaldietan.

 

Eskariak

      Jordanen Bateoa hartu eban Salbatzaileari dei egin deiogun, esanez:

Bialdu eiguzu, Jauna, zure Espiritua.

      —Kristo, Jainkoaren Zerbitzari egina, Aitak Semetzat autortua, eta Berarentzat atsegingarri zarana, * bialdu eiguzu, Jauna, zure Espiritua.

      —Kristo, Jainkoak hautatua, kainabera pitzatua hausten ez dozuna, ez eta ketan dagoan metxea amatau ere, * izan eizu erruki, zure bila dabilzan guztientzat.

      —Kristo, Jainkoaren Seme, itun barri eta herrien argi izateko deitua: * argitu eizuz, Bateoko uretan, itsuen begiak.

      —Kristo, gizakien Salbatzaile, guztion salbazinorako Aitak Espiritu Santuaz gantzutua: * eroan denak sinismenera, betiko bizia lortu daien.

      —Kristo, gure itxaropen, heriotza-gerizpean dagozanak salbazinoaren argitara eroaten dituzuna: * hartu eizuz hildako gure senide guztiak zure erreinuan.

Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.

 
Otoitza

      Jainko ahalguztidun betikoa, Kristo Jordango uretan bateatua izan zanean, eta Espiritu Santua Haren ganera jatsi zanean, ozen autortu zendun Bera dala zure Seme maitea; emoiezu uretik eta Espiritu Santuagandik jaio diran zure seme-alabatzakoei, zure nahia beteten irautea. Zure Seme Jesu Kristo gure Jaunaren bitartez, Zurekin eta Espiritu Santuarekin batean Jainko eta errege bizi da-eta gizaldi eta gizaldietan.

Amaierea

V/. Jauna zuekin.
R/. Eta zure Espirituarekin

V/. Bedeinkatu zaizela Jainko ahalguztidunak:
      Aitak eta Semeak eta Espiritu Santuak.
R/. Amen.

V/. Zoaze Jaunaren bakean.
R/. Eskerrak Jainkoari.