Bezperak
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Zatoz, Kristo
20 – O clavis David
—Errege-makil eta giltza,
——etor
denen Jaun; ez luza:
——Zatoz,
Kristo, zatoz!
—Zuk
zabal eta ezin itxi;
——Zuk
itxi eta nork ireki?
—Ager,
oi Jauna, gure artean,
——zure
besoak aska gaitzan.
Salterioa:
3. asteko egunekoa
(Astelehena, Martitzena, Eguaztena, Eguena, Barikua),
Jainkoaren hitza
Ik 1 Kor 1, 7b-9
Jesu Kristo gure Jaunaren agerraldiaren zain gagoz. Berak indartuko gaitu
azkenera arte, inork gure aurka zer-esanik izan ez daian Jesu Kristo gure
Jaunaren etorrera-egunean. Zintzoa da, bere Seme Jesu Kristo gure Jaunaren
alkartera deitu gaituan Jainkoa.
Galderantzuna
V/. Erakutsi
eiguzu, Jauna, * zure onginahia.
R/. Erakutsi
eiguzu, Jauna, * zure onginahia.
V/. Emoiguzu
zure salbazinoa.
R/. zure
onginahia.
V/. Aintza
Aitari eta Semeari eta Espiritu Santuari.
R/. Erakutsi
eiguzu, Jauna, * zure onginahia.
Magn. ant. Oi
Dabiden etxeko giltza eta Israelen errege-makila! Zuk edegia ez dau inork
ixten, Zuk itxia ez dau inork edegiten: Erdu!, eta askatu eizuz ilunpetan eta heriotza-gerizpean
giltzapetuta dagozanak.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Oi
Dabiden etxeko giltza eta Israelen errege-makila! Zuk edegia ez dau inork
ixten, Zuk itxia ez dau inork edegiten: Erdu!, eta askatu eizuz ilunpetan eta heriotza-gerizpean
giltzapetuta dagozanak.
Eskariak
Senide maiteok, egin deiogun otoitz, azken-egunetan ospetsu agertuko dan Jesu
Kristo gure erosleari, eta alaitasunean esan deiogun:
Zatoz, Jesus
Jauna.
—Jesus Jauna, gizon egin zinanean, Legearen buztarpetik atara ginduzuzan:
* bete gaizuz zure bihotz onaren emaitzez.
—Jauna, geugandik hartu zenduan zure jainkotasunari egoki jakona: * Zeugandik
emoiguzu orain, giza-izateari hain beharrezko jakon jainkozko izatea.
—Zure etorreraren irrikaz gagozanok asetu gaizuz, * eta berotu zure
maitasunean.
—Poztu gaitezala Zugaz betiko zorionean, * sinismenean Zu zintzo
zerbitu ondoren.
—Hildako guztien arimei * isuri eiezu zure bihotz onaren ihintza.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, Birjina errubakoak, aingeruaren barria entzutean zure nahiari baietz
esanez, zure Seme gizon egina sortu eban bere sabelean, eta holan Espiritu
Santuaren egitez Jainkoaren jauretxe bihurtu zan; iguzu, guk ere, Harek lez, zure
nahiari apaltasunez jarraitu deiogula. Zure Seme Jesu Kristo gure Jaunaren
bitartez, Zurekin eta Espiritu Santuarekin batean Jainko eta errege bizi da-eta
gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
