Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. Alleluia.
Zatoz ta
izan gure sutargi,
ikus dezaten gure begiok
zure aintzaren ederra.
Azkartu zure indarra
eta iguzu salbazioa.
Zatozkigu ta aska gaitzazu,
bizi berri bat dezagun.
Zatoz ta izan
bizitzaren gar,
igor zaiguzu zure Arnasa
eraberritu gaitezen.
Behar ordutan gure adore,
gure pausoen gidari.
Zatozkigu ta aska gaitzazu,
bizi berri bat dezagun.
Zatoz ta izan
«gurekin Jainko»,
argi gaitzazu Zuri darizun
jakinduriaren argiz.
Erne bekigu salbazinoa,
nola menditan goiz-alba.
Zatozkigu ta aska gaitzazu,
bizi berri bat dezagun.
Salmoak
1 Ant. Jaunak
begiko dau behartsua.
Sal 10
Jaunagana
batzen naz.
Zergaitik niri esan:
«Alde mendira,
hegaztiaren antzera, hegan.
Izan ere, gaiztoek
uztaia tenkatu dute,
eta gezia uztai-harian jarri,
bihotz zuzenekoak
ilunpean jo nahirik.
Oinarriek hutsegiten badabe,
zintzoak zer egin daike?»
Jauna bere
etxe santuan;
Jaunak zeruak jesarleku;
begiak argi daukaz,
gizakiak betazalez ikertzen ditu.
Jaunak ikertzen zintzoa ta gaiztoa,
Haren bihotzak
indarkeria-zaleentzat gorrotoa.
Gaiztoen
gainera txingarrak,
infernu-harria euri,
sargori-haizea izango dabe
edontziko edari.
Zuzena da-ta Jauna,
zuzentasuna dau maite,
Haren aurpegia
zintzoek ikusiko dabe.
Ant. Jaunak
begiko dau behartsua.
2 Ant. Zorionekoak,
bihotzez garbi diranak; honeexek ikusiko dabe-ta Jainkoa.
Sal 14
Jauna, nor
dagoke zure txabolan?
Nor bizi daiteke
zure mendi santuan?
Akatsik barik eta zintzo dabilana,
bere artean egia dinoana;
mihinez inor bezten ez dauana,
hurkoari txarrik egiten ez deutsona,
auzokoa lotsagarri izten ez dauana;
gaiztoari
esker txarra emoten deutsona,
Jainko-bildur dana
ospatzen dauana;
bere kaltetan zin eginik ere
aldatzen ez dana,
dirua irabazitan emoten ez dauana,
erru bakoaren aurka
eskupekorik hartzen ez dauana.
Honeek egiten
dituana,
ez da kolokatuko sekulan.
Ant. Zorionekoak,
bihotzez garbi diranak; honeexek ikusiko dabe-ta Jainkoa.
3 Ant. Jainkoak
aurrez aukeratu ginduzan Jesu Kristoren bidez, bere seme-alaba orde izateko.
Kantika: Ef 1,
3-10
Bedeinkatua
izan bedi Jainkoa,
Jesu Kristo gure Jaunaren Aita,
Espirituaren era guztietako
bedeinkapenez,
zeruan Kristogan
bedeinkatu gaituana.
Harengan
aukeratu ginduzan-eta,
mundua sortu baino lehen,
bere aurrean, maitasunez,
santu eta errugabe izan gaitezan.
Aurrez
aukeratu ginduzan
bere seme-alaba-orde izateko,
Jesu Kristoren bidez,
bere nahiaren onberatasunez;
bere Seme maiteagan
hain ugari emon deuskun
graziaren aintzak
Bera gorespenez bete daian.
Seme honengan,
bere odolaz dogu erospena,
eta pekatuen parkamena;
halakoa izan da
Haren grazia-aberastasuna.
Oparo isuri deusku-ta bere grazia
ezaguera osoz eta jakituriaz:
bere nahiaren
misterioa
ezagutuazo deusku,
bere onginahiez erabagita eukana,
garaia etortean beteko ebana.
Zeruko eta lurreko gauza guztiak
Kristogan batuko dituala,
Berau buru dala.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jainkoak
aurrez aukeratu ginduzan Jesu Kristoren bidez, bere seme-alaba-orde izateko.
Jainkoaren hitza
Flp 3, 20b-21
Zerutik itxaroten dogu Salbatzailea, Jesu Kristo gure Jauna. Berak aldatuko dau
gure gorputz ezerez hau, bere gorputz aintzatsuaren antzeko eginez, gauza
guztiak menperatzeko dauan indarrez.
Galderantzuna
V/.
Zure indarrari eragiozu, gudari taldeen Jainko, * erdu eta salbau gaizuz.
R/.
Zure indarrari eragiozu, gudari taldeen Jainko, * erdu eta salbau gaizuz.
V/. Salba
gaitezan zure begia lehun agertu eizu.
R/.
Erdu eta salbau gaizuz.
V/.
Aintza Aitari eta Semeari eta Espiritu Santuari.
R/.
Zure indarrari eragiozu, gudari taldeen Jainko, * erdu eta salbau gaizuz.
Magn. ant. Jaunaren
aingeruak iragarri eutson Mariari, eta honek Espiritu Santuagandik sortu eban,
alleluia.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jaunaren
aingeruak iragarri eutson Mariari, eta honek Espiritu Santuagandik sortu eban,
alleluia.
Eskariak
Etorri eta salbauko gaituan Jaunari egin deiogun dei, esanez:
Erdu, Jauna,
eta salbau gaizuz.
—Jesu Kristo gure Jauna, Aitaren Gantzutua eta guztion eroslea: * zatoz
lehenbaitlehen eta salbau gaizuz.
—Mundu honetara etorri zaran Horrek, * atara gaizuz munduko hobenetatik.
—Aitagandik etorri zaran Horrek, * erakutsi eiguzu Aitagana daraman
salbazino-bidea.
—Espiritu Santuaren egitez gizon egin zaran Horrek: * Espiritu
Santuagan barritu eizuz gure bihotzak zure Hitzaren bidez.
—Maria Birjinaren sabelean gizon egin zinan Horrek: * zaindu gaizuz
husteltzetik.
—Gogoratu zaitez, Jauna, gizaki guztiez, * Zeugan dugu-ta, munduaren
hasieratik, gure uste ona.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko Jauna, egizu, erne egon gaitezala zure Seme Jesu Kristoren etorrera
itxaroten; ate-joka datorrenean otoitzean aurkitu gaizan, Bera goresten pozez
kantari. Zure Seme Jesu Kristo gure Jaunaren bitartez, Zurekin eta
Espiritu Santuarekin batean Jainko eta errege bizi da-eta gizaldi eta
gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
