II. BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Aleluia.
GOIZ-ARGIA
Goiz-argia,
hilik zeudenen / eguzkia:
itsuengana / etorria,
goza dezaten / argi
berri /
–pizgarria.
Zatoz, / Jesus Jauna,
diren guztien / argia.
Heldu da; hona
Jaunaren eguna.
Ongi etorri,
Jaunak igorri
Salbatzailleari!
Jainko-Bildots,
berriz herrira / gidaria;
odola duzu, / isuria,
ardi galduei / emateko /
–Zuk
bizia.
Zatoz, / Jesus Jauna,
ur bizi duen / artzaina.
Jesu Kristo,
Aitak Zuregan / du
gozoa;
uretan sartuz / eta
hilez,
eman diozu / gizonari /
–Bataioa.
Zatoz, / Jesus Jauna,
erreinurako / bidea.
Harkaitz berri,
ibai bizien, / iturria:
or zaude bihotz-/ irekia,
ase dadien / fededunen /
–egarria.
Zatoz, / Jesus Jauna,
sekulako ur / bizia.
Suzko laino,
gauez argitzen / gaituzuna:
Kalbarioko / minen
barna,
agertu duzu / gu nolaz
joan /
–zeruraino.
Zatoz, / Jesus Jauna,
Jainko Aitaren / berdina.
Ezkon-berri,
gurutz-eztaien / hain
egarri:
ura diguzu / ardo
egin,
Jainko-semeen / sinistea /
–piztu
dadin.
Zatoz, / Jesus Jauna,
zure lurraren / pizgarri.
Jainko-Seme,
Espirituak / argitua:
Zure mintzoa / da
zabaldu,
eta piztu du / munduz-mundu /
goiko sua.
Zatoz, / Jesus Jauna,
goiko aintzaren / betea.
1 Ant. Bakearen
Erregea goratua izan da, munduko errege guztien ganetik.
109 Salmoa
Hona, Jaunak
esana nire Jaunari
«Jesarri zakidaz eskoian,
zure etsaiak oin-aulki
jartzen deutsudazan bitartean».
Siondik
zabalduko dau Jaunak
zure aginte makilaren indarra:
«Izan zaitez nagusi
zure etsaien artean».
Handiki zu
jaiotegunetik
santu dirdaian,
ihintza lez sortuazoko zaitut
artizarraren aurrean.
Jaunak zin egin dau
eta ez jako damutuko:
«Melkisedeken sailean
abade zara zu behin betiko».
Nire Jauna
zure eskoian:
zapalduko ditu erregeak
hasarre-egunean.
Bidean doala,
errekan edango dau ura,
horregatik jasoko dau burua.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Bakearen
Erregea goratua izan da, munduko errege guztien ganetik.
2 Ant. Zintzoentzat
ilunpetan argia lez sortzen da: onbera da Jauna, errukitsua ta zuzena.
111 Salmoa
Dohatsu,
Jaunaren bildur dan gizona,
Haren aginduak oso maite dituana.
Ahaltsu izango da lurrean haren hazia,
zintzoen ondorengoa onetsia.
Haren etxean
onak eta ondasunak,
beti iraungo dau haren zabaltasunak.
Zintzoentzat ilunpetan argia lez sortzen da:
onbera da, errukitsua ta zuzena.
Zorionekoa,
errukitu eta emon
egiten dauan gizona,
bere gauzak
zuzen atontzen dituana.
Ez da koloka ibiliko behin ere,
haretaz gogoratzeak iraungo dau beti ere.
Barri txarrak
ez dau bildurtzen,
bizkor dau bihotza
Jaunagan itxaroten.
Sendo dauka bihotza, bildurrik barik,
bere etsaiak lotsaz ikusi arte.
Zabaltzen
deutse eta emoten behartsuei,
beti irautekoa da
haren esku-zabala,
ospez jagiko da haren ahalmena.
Hau ikusiz
gaiztoa sumindu egingo da,
haginen karraskaz agortuko,
gaiztoen guraria ez da jazoko.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Zintzoentzat
ilunpetan argia lez sortzen da: onbera da Jauna, errukitsua ta zuzena.
3
Ant. Atzerriak
etorriko dira, Jauna, eta zure aurrean ahuspeztuko.
Kantika: Apk 15, 3-4
Jauna, Jainko ahalguztiduna,
Handiak eta harrigarriak dira
Zuk eginak!
Atzerrien errege,
zuzenak eta egiazkoak
zure bideak!
Nor ez da
izango zure bildur, Jauna?
Nork ez dau goretsiko zure izena?
Zeu baino ez zara-ta santua!
Atzerriak etorri eta zure aurrean
ahuspeztuko dira,
zure erabagiak zuzenak
agertu dira-ta.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Atzerriak
etorriko dira, Jauna, eta zure aurrean ahuspeztuko.
Jainkoaren Hitza
Tt 3, 4-5
Jainko gure Salbatzailearen bihotz-ona eta
gizakienganako onginahia agertu jakunean, salbau egin gaitu, ez guk egindako
zuzenbidezko egintzekaitik, bere errukiagatik baino; Jainkoak salbau egin
gaitu, Espiritu Santua dohai emoten dauan jaiotza barriaren garbialdiz eta zahar-barritzez.
Galderantzuna
V/. Bedeinkazino izango da * herri guztientzat.
R/. Bedeinkazino izango da * herri guztientzat.
V/. Lurreko
leinu guztiek dohatsua deituko deutsoe.
R/. Herri
guztientzat.
V/. Aintza
Aitari eta Semeari eta Espiritu Santuari.
R/. Bedeinkazino izango da * herri guztientzat.
Magn. ant. Egun santu honetan
hiru mirari gogoratzen ditugu: gaur, izarrak estalpera erakarri ebazan Magoak;
gaur, ura ardau bihurtu zan Kanako ezteguetan; gaur, Kristo bateatua izan zan
Jordanen Joanen eskuz, gu salbatzeko, alleluia.
Lk 1,
46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Egun santu honetan
hiru mirari gogoratzen ditugu: gaur, izarrak estalpera erakarri ebazan Magoak;
gaur, ura ardao bihurtu zan Kanako ezteguetan; gaur, Kristo bateatua izan zan
Jordanen Joanen eskuz, gu salbatzeko, alleluia.
Eskariak
Pozez
beterik gurtu dezagun, Magoek gaurko egunez gurtu zuten gure Eroslea, eta esan
dezaiogun:
Salbau eizu, Jauna, behartsuen
bizia.
—Atzerrien
errege, jentilen arteko lehen-frutu lez Magoei dei egin zeutsena, Zu gurtzeko, *
emoiguzu zure zerbitzurako gogoa.
—Zure
herria zuzentasunean epaitzen dozun errege ospetsu, * emoiezu gizakiei bakea
ugari.
—Gizaldi
guztiak eskuan daukazuzan betiko errege, * jatsi bedi bihotzetara, euria lez,
zure hitza.
—Laguntzailerik
ez daben behartsuei, lagundu nahi deutsezun errege zuzen, * errukitu zaitez
ezer barik eta nahigabeturik dagozenetaz.
—Mendeetan
bedeinkatua zaran Horrek, * bete eizuz, hildako gure senideengan, zure salbazinoaren
mirariak.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, egun honetan izar baten bidez agertu zeutsen atzerriei zure Seme
bakarra; eroan gaizuz, sinismenez ezagutzen zaitugunok, zure aintzaren ederra
ikustera. Zure Seme Jesu Kristo gure Jaunaren bitartez,
Zurekin eta Espiritu Santuarekin batean Jainko eta errege bizi da-eta gizaldi
eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
