Urtarrilaren 8

BEZPERAK

Agurra

V/. Zatozkit lagun, ene Jainko.
R/. Jauna, zatoz laster ni laguntzera.

V/.  Aintza Aitari eta Semeari,
        eta Espiritu Santuari.
        Lehen lez, orain eta beti,
        eta amaibako egunetan. Amen. Aleluia.

Goratzarrea 

GOIZ-ARGIA 

Goiz-argia,
hilik zeudenen / eguzkia:
itsuengana / etorria,
goza dezaten / argi berri /
–pizgarria.
Zatoz, / Jesus Jauna,
diren guztien / argia.

Heldu da; hona
Jaunaren eguna.
Ongi etorri,
Jaunak igorri
Salbatzailleari!

Jainko-Bildots,
berriz herrira / gidaria;
odola duzu, / isuria,
ardi galduei / emateko /
–Zuk bizia.
Zatoz, / Jesus Jauna,
ur bizi duen / artzaina.

Jesu Kristo,
Aitak Zuregan / du gozoa;
uretan sartuz / eta hilez,
eman diozu / gizonari /
–Bataioa.
Zatoz, / Jesus Jauna,
erreinurako / bidea.

Harkaitz berri,
ibai bizien, / iturria:
or zaude bihotz-/ irekia,
ase dadien / fededunen /
–egarria.
Zatoz, / Jesus Jauna,
sekulako ur / bizia.

Suzko laino,
gauez argitzen / gaituzuna:
Kalbarioko / minen barna,
agertu duzu / gu nolaz joan /
–zeruraino.
Zatoz, / Jesus Jauna,
Jainko Aitaren / berdina.

Ezkon-berri,
gurutz-eztaien / hain egarri:
ura diguzu / ardo egin,
Jainko-semeen / sinistea /
–piztu dadin.
Zatoz, / Jesus Jauna,
zure lurraren / pizgarri.

Jainko-Seme,
Espirituak / argitua:
Zure mintzoa / da zabaldu,
eta piztu du / munduz-mundu /
goiko sua.
Zatoz, / Jesus Jauna,
goiko aintzaren / betea.

 

Antifonak eta Salmoak (II. Astekoak)

Astelehena,   Martitzena,  

Eguaztena,   Eguena,  Barikua. 

 

Jainkoaren hitza

Ef 2, 3b-5

      Gu be besteak lez, izatez hondamendirako izendatuak gengozan. Baina, errukian aberatsa dan Jainkoak maitasun handiz maite izan gaitualako, gure hutsegitekaitik hilda gengozanok, Kristorekin batean biziazo ginduzan —onginahi hutsez zagoze salbatuak.
 

Galderantzuna 

V/. Bedeinkazino izango da * herri guztientzat.
R/. Bedeinkazino izango da * herri guztientzat. 

V/. Lurreko leinu guztiek dohatsua deituko deutsoe.
R/. Herri guztientzat. 

V/. Aintza Aitari eta Semeari eta Espiritu Santuari.
R/. Bedeinkazino izango da * herri guztientzat.
 

Magn. ant. Argitik argi azaldu zinan, Kristo, eta Magoek erregaluak emon eutsuezan, alleluia.

Lk 1, 46-55

Handiesten dau nire arimak Jauna,
   pozaren pozez daukat nire barrua;
   Jainkoa da-ta nire salbamena,
   ikusi dau-ta mirabe honen ezereztasuna.

Dohatsu deituko nabe gaurtik gizaldi guztiek,
   handiak egin deustaz-eta Ahalguztidunak:
   Santua da Haren izena,
   eta Haren errukia, gizaldiz-gizaldi †
   bildur deutsoenengana.

Bere besoaren indarra erabili dau,
   buru harroak triskatu dauz;
   bota dauz euren aulkitik handikiak,
   eta gora jaso dauz ezerezak;
   ondasunez bete dauz gosez egozanak
   eta esku hutsik bialdu asko eukenak.

 Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant. Argitik argi azaldu zinan, Kristo, eta Magoek erregaluak emon eutsuezan, alleluia.

 

Eskariak

      Kristau guztiekin gorespenean eta otoitzean bat egiñik, egin dezaiogun otoitz Jaunari, esanez:

Aita guztiz santu, entzun zure seme-alaben eskariak

      —Lagundu eiezu, Jauna, Zu ezagutu nahian, zure bila ilunpetan dabizanei; * suspertu eizuz, Kristoren argiz.

      —Begira, Jainko bakartzat ezagutu eta azken-epailetzat autortzen zaituenei, * eta egizu, ikusi daiela Zu beti zarala gurekin bihotz-bera.

      —Gogoratu eizuz bizia, argia eta guztia emoten deutsezuenak, * Zugandik urrundu ez daitezan.

      —Lurreko ibilaldian doazan guztiak, zure aingeruen bitartez zaindu eizuz, * eta gorde, bat-bateko eta uste-gabeko heriotzatik.

      —Hildakoei, bizi zirala, zure egia erakutsi zeutsen; * eroan eizuz, zure aurpegiaren ederra ikustera.

Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
 

Otoitza

      Jauna, zure aintzaren distirak argitu daizala gure bihotzak; hari esker, mundu honetako ilunpetan zehar igaro gaitezan, eta betiko argiaren herrira heldu. Zure Seme Jesu Kristo gure Jaunaren bitartez, Zurekin eta Espiritu Santuarekin batean Jainko eta errege bizi da-eta gizaldi eta gizaldietan.

Amaierea

V/. Jauna zuekin.
R/. Eta zure Espirituarekin

V/. Bedeinkatu zaizela Jainko ahalguztidunak:
      Aitak eta Semeak eta Espiritu Santuak.
R/. Amen.

V/. Zoaze Jaunaren bakean.
R/. Eskerrak Jainkoari.