Bezperak
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. Alleluia.
ZATOZ, JAUNA!
Zatoz,
Jauna! / Gaur
zai duzu mundua,
—zorigaitzez / hain
da hondatua!
Zatoz, Jauna! / Zabal,
otoi, zerua:
—Etor
bedi / Zure erreinua.
Zatoz,
Jauna! / Nausi
bait da dirua:
—jendea
maiz / dauka
zapaldua.
Entzun,
Jauna, / behartsuen
oihua:
—Etor
bedi / Zure
erreinua.
Zatoz,
Jauna! / Hor gabiltza gauez gau:
—piztu
gugan / fedearen sua.
Zatoz, Jauna! / Argi
ezazu mundu hau:
—Etor
bedi / Zure erreinua.
Zatoz,
Jauna! / Maitasunez
gu bete:
—jendeek
elkar / ezin hartu
dute.
Zatoz,
Jauna! / Zuk
bat egin mundua:
—Etor
bedi / Zure
erreinua.
Zatoz,
Jauna! / Lokarriak Zuk hautsi.
—Munduz
mundu / bihotzetan
mintza.
Zatoz, Jauna! / Ager
zaitez, ta jaitsi.
—Etor
bedi / Zure erreinua.
1
Ant. Dei egin deutsut eta osatu egin nozu, Jauna; eskerrak
emongo deutsudaz beti.
29 Salmoa
Goretsiko
zaitut, Jauna,
onik atara nozulako,
etsaiak ez dituzulako
nitaz pozten laga.
Jauna, ene Jainko, dei egin deutsut,
eta osatu egin nozu.
Jauna, Lezatik atara dozu nire bizia,
zulora doazenengandik
bizirik gorde nozu.
Eresi eiozue,
zintzoak, Jaunari,
emon eskerrak Haren izen santuari.
Une baterako da Haren hasarrea,
bizitza guztirako Haren on izatea.
Negarra dator arratsaldean,
baina poza goizean.
Hauxe esan
neban nire lasai unean:
«Ez naz kolokatuko sekulan».
Jauna, ospea ta indarra emon zeustan
zure onginahian;
baina zure aurpegia gorde zenduan,
eta larritu egin nintzan.
Zuri deika
egon nintzan, Jauna,
erruki-eske nire Jainkoari:
«Zer irabazten dozu nire odolarekin?
Ni zulora jaistearekin?
Goretsiko ete
zaitu hautsak?
Zintzo agertuazoko ete zaitu?
Entzun niri eta nitaz erruki, Jauna,
izan zakidaz laguntzaile, Jauna».
Negarra,
dantza bihurtu deustazu,
zakua erantzi,
eta poza jantzi deustazu.
Nire bihotzak egin beizu atergabe eresi,
Jauna, ene Jainko,
eskerrak nik Zuri beti.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Dei
egin deutsut eta osatu egin nozu, Jauna; eskerrak emongo deutsudaz beti.
2 Ant. Bai
dohatsu, Jaunak errurik leporatzen ez deutson gizakia.
31 Salmoa
Bai dohatsu,
gaiztakeria parkatu jakona,
hobena estaldu jakona.
Bai dohatsu, Jaunak errurik
egozten ez deutson gizakia,
barrenean iruzurrik ez dauana.
Ixilik nengola
nire hazurrak ihartzen ziran,
egun oro intzirian.
Gau ta egun zure eskua
nire gainean astun nebala,
nire indarrak makaldu ziran
udako sargoritan lez.
Nire hobena
autortu deutsut,
nire errua ez deutsut ezkutatu.
«Autortuko deutsat —esan neban—,
Jaunari nire gaiztakeria»,
eta Zuk parkatu egin zeustan
nire hobenaren txarkeria.
Horregatik
zintzoak larrialdian
Zuri otoitz egingo;
uholdea oldartzean
urik ez jako helduko.
Zeu zaitut ihesleku:
estualditik Zeuk babesten nozu,
askatasun-pozez inguratzen.
Eskolatuko
zaitut, bidea erakutsiko,
begiok zeugan kokatuz irakatsiko.
Ez izan zentzungabe,
zaldi eta mandoen antzera,
hareen indarra hedez eta ahokoz
hezitzen da-ta,
bestela ez jatzuz hurreratzen.
Gaiztoak neke
asko ditu,
Jaunagan itxaropen dauana, barriz,
maitasunak inguratuko dau.
Poztu zaiteze
eta alaitu Jaunagan,
zintzoak,
egizue pozez oihu,
bihotz zuzeneko guztiak.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Bai
dohatsu, Jaunak errurik leporatzen ez deutson gizakia.
3
Ant. Jaunak
emon deutsoz agintaritza, ospea ta erreinua, eta herri guztiek zerbituko dabe.
Kantika: Apk 11, 17-18; 12, 10b-12a
Eskerrak
emoten deutsuguz, Jauna,
bazaran eta bazinan
Jainko ahalguztiduna;
zure ahalmen handiaz
jabetu zara-ta,
eta errege izaten hasia zara.
Haserretu
ziran atzerriak,
baina heldu da zure haserrea,
eta hilak epaitzeko ordua;
heldu jake sari-ordua
zure zerbitzari profetei,
eta santu eta zure izenaren
bildur diranei,
txikiei nahiz handiei.
Orain etorri
da salbamena,
gure Jainkoaren
indarra ta erregetza,
eta bere Kristoren ahalmena;
jaurtia izan da-ta
gure senideen salatzailea,
gure Jainkoaren aurrean,
gau ta egun, salatzen zituena.
Hareek
azpiratu dabe Bildotsaren odolaz,
eta emon daben autormenaz:
euren bizia ez dabe-ta izan maiteago,
heriotza baino.
Poztu zaiteze,
beraz, zeruak,
eta euretan bizi zareenak.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
emon deutsoz agintaritza, ospea ta erreinua, eta herri guztiek zerbituko dabe.
Jainkoaren hitza
St 5, 7-8.9b
Senideok: Izan eizue iraupena Jaunaren etorrera arte. Begira zelan egoten dan
nekazaria, lurrak dakarren uzta ederraren zain, goiz-euria eta berant-euria
itxaroten dituela iraupenez. Izan eizue, beraz, zuek ere iraupen; egon sendo,
Jaunaren etorrerea urrean da-ta. Begira, epailea ate-ondoan dago.
Galderantzuna
V/. Zure
indarrari eragiozu, gudari taldeen Jainko, * erdu eta salbau gaizuz.
R/. Zure
indarrari eragiozu, gudari taldeen Jainko, * erdu eta salbau gaizuz.
V/. Salba
gaitezan zure begia lehun agertu eizu.
R/. Erdu
eta salbau gaizuz.
V/. Aintza
Aitari eta Semeari eta Espiritu Santuari.
R/. Zure
indarrari eragiozu, gudari taldeen Jainko, * erdu eta salbau gaizuz.
Magn. ant. Bedeinkatua
zu emakumeen artean, eta bedeinkatua zure sabeleko frutua.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Bedeinkatua
zu emakumeen artean, eta bedeinkatua zure sabeleko frutua.
Eskariak
Senide maiteok, otoitz egin deiogun Kristori, heriotza-ilunpean egozanei
Profetek iragarritako Argi handiari, eta esan deiogun:
Erdu, Jesus
Jauna.
—Jainkoaren Hitza, hasieran guztia egin zenduana, eta azken-egunetan gure
izaera hartu zenduana: * erdu, eta atara gaizuz heriotzatik.
—Gizaki guztiak argitzen dauzan egiazko Argi: * erdu, eta urrundu eizuz
gugandik gure ezjakinaren ilunpeak.
—Aitaren altzoan zagozan Seme bakar Hori * erdu, eta erakutsi eiguzu
Jainkoaren onginahia.
—Gizonaren Seme lez gugana etorri zaran Jesu Kristo: * Zu hartzen
zaitugunok egin gaizuz Jainkoaren seme-alaba.
—Espetxeetako ateak zabaltzen dituzun Horrek: * hartu eizuz eztegu-mahaian,
ate-joka daukazuzan gure hildakoak.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Agertu eizu, Jauna, zure ahalmena, eta lagundu eiguzu zure indar handiaz; gure
pekatuek galazoten daben salbazinoa, zure errukiaren graziak laster erazi
daian. Zure Seme Jesu Kristo gure Jaunaren bitartez, Zurekin eta Espiritu
Santuarekin batean Jainko eta errege bizi da-eta gizaldi eta gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
