Urte Barri I

 Jainkoaren Ama Maria

I. Bezperak

V/. Zatozkit lagun, ene Jainko.
R/. Jauna, zatoz laster ni laguntzera.

V/. Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen. Alleluia.
 

GORATZARREA

           ASPALDIAN

—Aspaldian, urrunean,
—sortu zen Jainko-Semea,
—gaur sortzen da gure artean:
—zabalik euki etxea,
—zabalik bihotz-barnea.

—–Gaur sortzen da gure artean:
—–zabalik euki etxea,
—–zabalik bihotz-barnea.

—Ilunpetan, giltzapetan
—hor zaudetenak, gaur jaiki!
—Horra, Jauna bizi hontan:
—egin da gizon osoki;
—munduak hori baleki!

—Jainko-seme gera denak,
—Jainkoa gizon hor bait da.
—Hartu ditu gure minak:
—bihotzez Hari josita,
—Jainko gaitezen gu gerta.

—Bihotzetan dugu orai
—Eguberriko izarra.
—Egin gaitu Kristok anai:
—Hura dugu Jaun bakarra,
—Hura barneko indarra. 
 

Salmoak

1 Ant. Hau hartu-emon harrigarria! Gizadiaren egilea, gorputz eta arima hartuz, Birjinagandik jaio da; eta gizonik barik gizon egin zanak, bere jainkotasunean parte emoten deusku guri.

—112 Salmoa

Jaunaren morroiak, goretsi eizue,
      Jaunaren izena goretsi eizue.
      Jaunaren izena
      bedeinkatua izan bedi,
      orain eta gizaldiz gizaldi.
      Eguzkia sortu-lekutik sartzen danera,
—  goretsia izan bedi Jaunaren izena.

Jauna garai dago herri guztien aldean,
—  Haren ospea ortziaren gainean.
      Nor da Jauna,
—  gure Jainkoa, hainakorik?
—  Goian jesarrita dago;
—  eta begia jaisten dau
—  zeru eta lurreraino.

Jasoten dau dohakabea hautsetatik,
—  ataraten behartsua simaurretatik;
      jesarriazo daian nagusiekin,
—  bere herriaren nagusiekin.
      Agor zana biziazoten dau etxean,
—  seme-alaben ama eginik pozetan.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen.

1 Ant. Hau hartu-emon harrigarria! Gizadiaren egilea, gorputz eta arima hartuz, Birjinagandik jaio da; eta gizonik barik gizon egin zanak, bere jainkotasunean parte emoten deusku guri.
 

2 Ant. Birjinagandik harrigarriro jaio zinanean, orduan bete ziran Liburu Santuko hitzak: Ihintza artulera lez jatsi zinan, gizadia salbatzeko. Goresten zaitugu, gure Jainko.

— 147 Salmoa

Jerusalen, ospatu eizu Jauna,
      Sion, goretsi eizu zure Jainkoa.
      Zure ateen sarrailak
      indartu ditu-ta,
—  zure seme-alabak zure barruan
—  bedeinkatu ditu.
      Zure mugetan bakea ezarri du-ta,
—  gari-maminez asetu zaitu.

Bialtzen dau lurrera bere berbea,
—  eta Haren hitza bizkor eta arin doa.
      Emoten dau edurra artulea lez,
—  zabaltzen dau antzigarra
—  hautsa lez.

Ogi-apurraren antzera
—  jaurtitzen dau bere izotza:
—  Nork jasan daike haren hotza?
      Bialtzen dau bere hitza,
—  eta harekin urtu egiten dira,
—  bere haizeari eraginez
—  urak isurika doaz.

Iragarri deutso bere hitza Jakobi,
—  bere erabagi eta aginduak Israeli.
      Ez deutso egin holakorik beste herriri,
—  bere aginduak
—  ez deutsoz agertu beste inori.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen. 

Ant. Birjinagandik harrigarriro jaio zinanean, orduan bete ziran Liburu Santuko hitzak: Ihintza artulera lez jatsi zinan, gizadia salbatzeko. Goresten zaitugu, gure Jainko.
 

3 Ant. Moisesek su-garretan ikusi eban sasi erre-ezinean, zure birjintasun galdu gabea autortzen dogu. Jainkoaren Ama, egizu otoitz gure alde.

— Kantika:  Ef 1, 3-10

Bedeinkatua izan bedi Jainkoa,
      Jesu Kristo gure Jaunaren Aita,
      Espirituaren era guztietako
      bedeinkapenez,
      zeruan Kristogan
      bedeinkatu gaituana.

Harengan aukeratu ginduzan-eta,
      mundua sortu baino lehen,
      bere aurrean, maitasunez,
      santu eta errugabe izan gaitezan.

Aurrez aukeratu ginduzan
      bere seme-alaba-orde izateko,
      Jesu Kristoren bidez,
      bere nahiaren onberatasunez;
      bere Seme maiteagan
      hain ugari emon deuskun
      graziaren aintzak
      Bera gorespenez bete daian. 

Seme honengan,
      bere odolaz dogu erospena,
      eta pekatuen parkamena;
      halakoa izan da
      Haren grazia-aberastasuna.
      Oparo isuri deusku-ta bere grazia
      ezaguera osoz eta jakituriaz:

bere nahiaren misterioa
      ezagutuazo deusku,
      bere onginahiez erabagita eukana,
      garaia etortean beteko ebana.
      Zeruko eta lurreko gauza guztiak
      Kristogan batuko dituala,
      Berau buru dala.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen. 

Ant. Moisesek su-garretan ikusi eban sasi erre-ezinean, zure birjintasun galdu gabea autortzen dogu. Jainkoaren Ama, egizu otoitz gure alde.

 

Jainkoaren hitza

Ga 4, 4-5

—-Garaia bete zanean, bere Semea bialdu eban Jainkoak, emakumeagandik jaioa, Legepeko egina, Legepean egozanak erostera, guk seme-alaba ordetza artu gengian.

Galderantzuna 

V/. Hitza haragi egin zan * Alleluia, alleluia.
R/. Hitza haragi egin zan * Alleluia, alleluia.

V/. Eta geure artean jarri eban bizilekua.
R/. Alleluia, alleluia.

V/. Aintza Aitari eta Semeari, eta Espiritu Santuari.
R/. Hitza haragi egin zan * Alleluia, alleluia.–

 

Magn. ant.  Jainkoak, maitasun handiz maite izan gaitualako, bere Semea bialdu deusku gure giza-izate bardinean, pekatuzkoan: emakumeagandik jaioa, Legepeko egina, alleluia. 

Lk 1, 46-55

Handiesten dau nire arimak Jauna,
   pozaren pozez daukat nire barrua;
   Jainkoa da-ta nire salbamena,
   ikusi dau-ta mirabe honen ezereztasuna.

Dohatsu deituko nabe gaurtik gizaldi guztiek,
   handiak egin deustaz-eta Ahalguztidunak:
   Santua da Haren izena,
   eta Haren errukia, gizaldiz-gizaldi †
   bildur deutsoenengana.

Bere besoaren indarra erabili dau,
   buru harroak triskatu dauz;
   bota dauz euren aulkitik handikiak,
   eta gora jaso dauz ezerezak;
   ondasunez bete dauz gosez egozanak
   eta esku hutsik bialdu asko eukenak.

 Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant.  Jainkoak, maitasun handiz maite izan gaitualako, bere Semea bialdu deusku gure giza-izate bardinean, pekatuzkoan: emakumeagandik jaioa, Legepeko egina, alleluia. 
 

Eskariak  

—–Bedeinkatua Jesus Jauna, gure bakea, banandurik egozan herri biak bat egitera etorri zana. Bihotzez eskatu deiogun:

Emon, Jauna, gizaki guztiei zeure bakea

      —Jaiotean, zure onginahia eta apaltasuna erakutsi zeutsen gizakiei Jauna: * egizu, esker onean iraun daigula, egin deuskuzuzan mesede guztiekaitik.

      —Maria, zure ama, graziaz betea izan zenduan: * emon ugari zure grazia gizaki guztiei.

      —Jainkoaren barri ona munduan aldarrikatzera etorri zinan: * ugaritu eizuz zure hitzaren iragarleak eta entzuleak.

      —Maria Birjinagandik jaio eta gure senide egin zinan: * erakutsi eiezu gizakiei alkarrenganako senide-maitasuna.

—Gainetatik agertzen dan Goiz-eguzkia lez azaldu zinan mundura: * emoiezu hildakoei, zure aurpegia aurrez aurre ikustea.

Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
 

Otoitza

—-Jainko Jauna, Maria Birjina ama eginez, betiko salbazinoa emon deutsazu gizakiari; iguzu, biziaren iturria dan Jesu Kristo zure Semea ekarri deuskuna, laguntzaile sumau daigula zure aurrean. Zurekin eta Espiritu Santuarekin batean Jainko eta errege bizi da-ta gizaldi eta gizaldietan. 

Amaierea

V/. Jauna zuekin.
R/. Eta zure Espirituarekin

V/. Bedeinkatu zaizela Jainko ahalguztidunak:
      Aitak eta Semeak eta Espiritu Santuak.
R/. Amen.

V/. Zoaze Jaunaren bakean.
R/. Eskerrak Jainkoari.