BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Aleluia.
GOIZ-ARGIA
Goiz-argia,
hilik zeudenen / eguzkia:
itsuengana / etorria,
goza dezaten / argi
berri /
–pizgarria.
Zatoz, / Jesus Jauna,
diren guztien / argia.
Heldu da; hona
Jaunaren eguna.
Ongi etorri,
Jaunak igorri
Salbatzailleari!
Jainko-Bildots,
berriz herrira / gidaria;
odola duzu, / isuria,
ardi galduei / emateko /
–Zuk
bizia.
Zatoz, / Jesus Jauna,
ur bizi duen / artzaina.
Jesu Kristo,
Aitak Zuregan / du
gozoa;
uretan sartuz / eta
hilez,
eman diozu / gizonari /
–Bataioa.
Zatoz, / Jesus Jauna,
erreinurako / bidea.
Harkaitz berri,
ibai bizien, / iturria:
or zaude bihotz-/ irekia,
ase dadien / fededunen /
–egarria.
Zatoz, / Jesus Jauna,
sekulako ur / bizia.
Suzko laino,
gauez argitzen / gaituzuna:
Kalbarioko / minen
barna,
agertu duzu / gu nolaz
joan /
–zeruraino.
Zatoz, / Jesus Jauna,
Jainko Aitaren / berdina.
Ezkon-berri,
gurutz-eztaien / hain
egarri:
ura diguzu / ardo
egin,
Jainko-semeen / sinistea /
–piztu
dadin.
Zatoz, / Jesus Jauna,
zure lurraren / pizgarri.
Jainko-Seme,
Espirituak / argitua:
Zure mintzoa / da
zabaldu,
eta piztu du / munduz-mundu /
goiko sua.
Zatoz, / Jesus Jauna,
goiko aintzaren / betea.
Antifonak eta Salmoak
(II. Astekoak)
Jainkoaren hitza
1 Jn 1, 5b-7
Jainkoa argia da, eta Harengan ilunik
batere ez da. Baina Ha argitan dagoan lez, geu ere argitan bagabilz, batak
bestearekin alkartea dogu; eta Haren Seme Jesusen odolak pekatu guztitik
garbitzen gaitu.
Galderantzuna
V/. Bedeinkazino
izango da * herri guztientzat.
R/. Bedeinkazino
izango da * herri guztientzat.
V/. Lurreko
leinu guztiek dohatsua deituko deutsoe.
R/. Herri
guztientzat.
V/. Aintza
Aitari eta Semeari eta Espiritu Santuari.
R/. Bedeinkazino
izango da * herri guztientzat.
Magn. ant. Sabatik datoz
guztiak, urrea eta intzentsua dakarrezala, alleluia.
Lk 1,
46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Sabatik datoz
guztiak, urrea eta intzentsua dakarrezala, alleluia.
Eskariak
Senide
guztiekin otoitzean bat eginik, bedeinkatu daigun Jainkoa eta eskatu deiogun,
esanez:
Erakutsi eiguzu, Jauna, zure errukia.
—Aita
guztiz ona, adimenez baino ezagutzen ez zaituenen alde eskatzen deutsugu, * zure
Semearen barri onaz, bide zuzenean indartu daitezan.
—Begiratu
eiezu, Jauna, Eleizatik kanpora bizi izanik, gizadiaren larritasunetik urten nahi
dabenei, * bidea, egia eta bizia dan Kristo aurkitu daien.
—Lagundu
eiezu, Jauna, euren erlijinoa bihotz zuzenez beteten dabenei, * Kristoren
argi bikainera heldu daitezan.
—Etengabe
garbitu eizuz kristauen bihotzak, * gero ta gehiago ikusi zaiezan.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, zure Semearen bitartez betiko argia sortuazo zenduan jente talde
guztientzat; egizu, zure herriak ezagutu daiala Kristo Salbatzailearen misterio
sakona, ezagupen horretan aurrera eginez argi betera heldu daiten. Zure Seme Jesu Kristo gure Jaunaren bitartez, Zurekin eta
Espiritu Santuarekin batean Jainko eta errege bizi da-eta gizaldi eta
gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
